أبلـآآآ فآطمــه يَ عيوني ههههههههههههههه

هـــآذي نصيحــه من شآآآآب سعودي .. يقول فيهــآ :

السلام عليكم ورحمة الله وبركاته

أبلة فاطمه ياعيوني .. يا للي لابسه الليموني :
الله الله

عزيزي الشاب :

إذا كنت تحوس تدور بيت لأهلك

أو تبحث مع عروسك عن مقر للعشة الزوجيه :

أو حتى كرشوك >>طردوك أهلك من البيت ووصلت لحاله مزريه من التلحيط وناوي تسترجل وتسكن لحالك فــ إنتبه

نعم أنتبه

ومرة ثالثه أنتبه

تسكن جنب ابتدائية بنات

مهما كانت الظروف و المغريات ومهما كان اجار الشقة رخيص

حتى لو قالوا لك اسكن جنب ابليس وافق بس بلاش ابتدائيه بنات

اسمع كلامي

أنا زي أخوك واعرف مصلحتك

و الكلام ذا ماجاء من عبث

بل بعد معاناة ثــلاث سنــوات:

وتدور أحداث القصه قبل بضع سنوات وبضع ايام وبضع ليالي يوم اني

اضطريت اني ادور سكن في انحاء الرياض

و أذا بتلك الشقه المثيره للسعبله والشفقة <<<<<< ياعمري

يالاسلوب

قلت بس جاك الموت يا تارك الصلاة

هذي هي فتاة احلامي

اللي مرت فوق الحصان الأسود :

وصفقتني بالعجراء فدخت من حبها

ولكن الحلو مايكمل

واااااا حسرتاه ، الشقه طلعت عوايل ، لكن هيهات 25سنه دشره

على الفاضي ، اكيد لازم تفيدني في هالموضوع

وفعلا ، رحت لخويي دعبووس طيب الله ثراه >>> مايمديكم على الاسم

وقلت له تكفى يا دعبوس طالبك ، قالي ما عليك كلها بطاقة عايله

مزوره وينتهي الموضوع ، قلت بس تزوير،

انا مستعد اذبح نص الرياض بس اخذ الشقه

و صدقوا او لا تصدقوا

مشت الفكره : و دخلت الشقه وانا مزهو بنشوة الأقحوان والعااصفير

ترقص في فضاء الشقق وهي تغني سكاري<<< متعوب ع الجمله

يا ورده فتحي يا ورده : و انا مبسوط قاعد اغني مع هالطيور الرقيقه

لين ما اشرق الفجر قلت يالله يا عصفور منك له اقضبوا الباب ابرقد

و بعد سبع دقايق من وضع راسي على المخده ، كنت على موعد مع الكارثه المأساويه :

قمت مفزوع ، وش ذا يا نـاس زلزال ركزت شوي و اذا والله الدعوه

طلعت النشيد الوطني بصوت بزران ابتدائية

لا حوووووول بنطول كذا ، قلت يا ولد خلك انت الكبير و اصبر لين

يقضي الطابور وكل بزر يذلف على فصله

لكن هذا كله تسخين <<<

وللاسف مصيبتي بدأت يوم دخلوا البزران الفصل المقابل لغرفتي << حظ زفــت

يا ربي وش سويت بدنياي تصدقون

انا لي 18 سنه وانا ادرس ما حفظت سارعي الا يوم سكنت بالشقه << دااج الــولد

و ياليتها جت على سارعي ، حفظت كورتي كورتي ما أحلاها ، و

هري يلعب فوق السطحي

ويرتفــع الضغط عندي وتنهار أعصابي ألا اذا دخلت أبله فاطمه فصل ثاني ابتدائي

( اللي هو الفصل اللي جنب غرفتي ) << شكل غرفته في المقصف

لأن ابله فاطمه تعشق الصياح عشق جنوني و هذا يعطي البنات

دفعه معنويه فيصيرون يصيحون اشنع من أي وقت

<< وين وزارة التربيه عنها

هذا بالأضافه لأن ابله فاطمه تخلي البنت تعيد النشيد من أول اذا اخطت

( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب )

بعد السنه الأولى تأزم الوضع

لأن اول كانت ابله فاطمه تسيير على الفصل في اليوم حصه و لا اثنين

الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل

في السنه الثانيه صار عندي تبلد حسي خصوصا بعد ما بديت

استخدم سدادات الأذن بالأضافه لشعور غبي هو اني

حسيت اني أعيد ثاني ابتدائي ( طيب على الأقل غيروه و حطو جنبي ثالث )

لكن في السنه الثالثه ....

بديت اخش جو صراحه ( الشكوى لله )

وصار عادي انك تشوفني ماشي في الشارع وانا اغني

في مدرستي دار الحب ..... العب اجري انا وصحبي

لا وتدرون متى اكيف الى منه دخلت ابله فاطمه الفصل وقالت

السلام عليكم.......عاد ارد انا مع البزارين ونقول وعليكم السلام ورحمة الله وبركاته << انهبل

كيف حالكم يا اطفال

بخير مادمنا شفنا خشتك

الين جا ذاك اليوم الأغبر ( مثل باقي الأيام اللي راحت )

وكنت ابحتفل بمناسبه حلوه وراجع الشقه بدري و انا مبسوط

دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت

( حافظ الجدول حقهم المسيكين )

و الله و اشغل المسجل وافتح الدريشه لان الجو كان حلو و دخلت

اتروش و اتزبط المهم بعد فتره

سمعت جرس الباب ، استغربت منذا اللي جاي هالحزه ، فتحت الباب

وانا لابس الفوطه واخرخر مويه

و اذا والله فراش المدرسه و معه ورقه ومدها لي اناظر الورقه وطاللع محتواها :

أخي الفاضل الرجاء التكرم بخفض الصوت مراعاة للطالبات في

المدرسه اللي جنبك يا لوح وشكرا

بدت تمون تقولي يالوووووووووح

التوقيع الأساتذه الفاضله عاشقة الصياح \\ فاطمه

الصراحة لم اشعر بنفسي تلك اللحظات حسيت بحريييييييييييييقه بركااااااااااااااان

جمره خبيثه شبت في داخل اعصابي <<<< افلونزا طيور كل شي

و ما اذكر وش صار.. اللي اعرفه ان خويي دعبوس دق عليه القسم و

قالوا له تعال اكفل خويك ، قال خير اللهم

اجعله خير ، قالوا ابد لحق الفراش يبي يذبحه ( بالفوطه ) وعقبها

حاول اقتحام مدرسة البنات ( برضه بالفوطه )

و كان يقول عبارات غير مفهومه مثل : يا انا يا انتي في هالمدرسه

عقبها مر دعبوس على القسم عشان يستلمني

حزرو فزرو وش صار ، طلعوا مرحليني للصحه النفسيه ( يبي يقتحم مدرسة بنات بالفوطه اكيد وضعه صعب )

المهم دخل دعبوس على الطبيب النفسي يبيهم يطلعوني قال له

الدكتور: انسى ، الرجال داخل علينا وهو يقول :

هري .. هري .. يلعب فوق السطحي ..

و قواه العقليه ما فيها ولا وحده منهن مداومه و تبينا نطلعه << ابوك يالووصف

طبعا دعبوس باسلوبه الدبلوماسي صرف الموضوع و طلعني

وقمت اشكي على دعبوس وانا اخرخر دمووووووووع

أجل 3 سنين وانا قاعد مثل التيس الوديع و كاتم في نفسي ويوم

شغلت المسجل دقايق هبوا فيني

ولا شف من يتكلم عاد الصوت الجريح ، عاشقة الهدوء و السكينه والوقار (الأبــله فاطمه)

طيب احترموا مشاعري يااااااااخي خلوا المديره هي اللي ترسل على الأقل

آآآآآآآهـ يا دعبوس بولع في المدرسه باللي فيها ولا تدري

كلم لنا ربعك حقين مكافحه الارهاب وقل لهم يرسلون قناصه

و ابحطهم فوق سطحنا و الوعد وقت الطلعه

ابيهم يقنصون المديره و الوكيله و المساعدات و المدرسات و الطالبات

وأولياء الأمور و أي واحد يمر في الشارع

حزتها أبغى مجزره ، مجزرررررررررررره

قال دعبوس هدي اعصابك انا عندي فكره نرسل خطاب للرئاسه باي

اسم نقوله ان المدرسه غير صالحه

للاستخدام و انها تتداعى للسقوط بل وسقط منها جزء على رويس

بنيتي الضعيفه و مرفق بالخطاب تقرير طبي

بالحادثه قلت لحظه ؟ واذا طلع المبنى كويس ؟ قالي مافيه امل كل

مباني الوزاره رايحه فيها ، قلت طيب
و

التقرير الطبي من وين بندبره ، قال وانت مصدق ارسل أي تقرير باي

اسم يعني ظنك بيقرونه

و من جديد صدقوا او لا تصدقوا مشت الفكره

وحطوا اعلان على باب المدرسه ان هذي هي اخر سنه للمدرسه قبل اغلاقها

طبعا انا شماااااااااااااااته مليوووون

لان في اخر يوم دراسه ، قعدت قدام باب المدرسه وهات يا ذبايح

، و ياليت جت على كذا جبت رابطة نادي الهلال

وكل ما طلع احد من باب المدرسه قلت للرابطه يشيلونها : برا .. على برا .. وأعدين ليه ما تقوموا تروحوا ..

و أخيرا

هم وانزاح وبعد يوم كرنفالي حطيت راسي عالمخده بحثا عن الراحه الأبديه وماهي الا سبع دقايق و حسيت ان

دريل يشق مخي قلت في نفسي يا ولد هذا كابوس لان ماتعودت على الهدوء من زمان

الا الموضوع كبر واسمع جدران تهد وبلاوي زرقا

طلعت مثل المهبول في الشارع والقى شلة عمال مجتمعين قدام المدرسه

قلت لواحد منهم وش السالفه ..؟؟

قالي : صديق حنا في هددد هزا مدرسه صغير عشان يبني مدرسه كبيررررررررررررر

اتمنى حازة القصه على رضاكم........
*** أقدم شاب سعودي على الأنتحار بعد ان قفز من كبري وقد تبين للسلطات انه يعاني من حاله نفسيه تعرف باسم أبلة فاطمه.. ***

الزبده يعيال ان الدين النصيحه وانا نصحتكم <<<<<<<< متاثر المسيكين
__________________

هههههههههههههه يسلموووووووووووووووووو

شكرا على هل الموضوع

ميرسي

خخخخخخ
مشكوره على الموضوع